Le blog du groupe Utopia-666, consacré à la culture et à la liberté d'expression, contre la connerie qu'essaie de nous transmettre le journalisme arabe d'aujourd'hui!
.
إلي كانو يقولو إلي العرب ما اخترعو شي، هاو جابولو دليل قاطع على الخطأ متاعو وبان بالكاشف إلي هو ما يعرف شي. أعظم إختراع في تاريخ الإنسانية عربي وبالتحديد تونسي. مطربة تونسية تحصلت على براءة إختراع طريقة جديدة في القعدة. وبهذا يصبح للعرب تاريخ. حتى أحنا عندنا تاريخ طويل مع القعدة. آش خلاهم يسمو شهر ذو القعدة. ومن كثرة القعدة ماعادش نعرفو ناقفو وإلي يطيح يستحلاها في روحو ويبقى غادي. وإلى يومنا هذا ولى إلي متعدي يقعدنا عليه ونزيدو ندعولو. ووفاء منا لعادات الأجداد قعدنا قاعدين على صبع الوسط من الخليج إلي المحيط. وحتى آنا هاني قاعدة نخرفلكم باش تقعدو معايا. باختصار، محلاها القعدة. أما على شرط ما يجيش شكون يفسدلنا القعدة. وكيف ما يقولو المصارى: "قال يا قاعدين يكفيكو شر الجايين". هيا أقعدو فيها وحدكم، هاني ماشية نرقد. باي.
.
/https%3A%2F%2Fassets.over-blog.com%2Ft%2Fcedistic%2Fcamera.png)
/idata%2F3008840%2Fdivers%2Ftchador_lunettes_soleil.jpg)
/idata%2F3008840%2Fdivers%2Ffemme-voilees.jpg)